於選秀節目《全民造星》40強止步的ERROR成員郭嘉駿(193),出道不久就一度爆紅,惟3年前卻因失言陷入事業低潮。單飛出歌3年,現推出新派台歌《B出口》的他接受電台訪問,指未有像隊友Fatboy般視100萬獎金為目標,「我第一日見到姜濤,已經望住佢個樣,仲點望嗰100萬?大佬,佢喺個比賽入面唔係人嚟,咁outstanding,點可以贏到佢?」
罕有談及收入,193指初入行真的像保錡形容般難捱:「我認為去到《ERROR自肥企画》爆咗出嚟先真係紅,我睇返張糧單,都真係嚇親自己!嗰一排做廣告從業員真係多,但只係維持咗幾個月,然後我就講錯嘢,廣告商就唔見晒,半年都冇人搵過我!」直接問他會否承認當時變得囂張,193坦承:「對!嗰陣我會咁講,真係沖昏頭腦,突然之間萬千寵愛,嗰陣入行第3年,之前一直冇人理,突然之間咁多廣告商,明明前一日仲笑緊我,下一日就冇啦啦同我鞠曬躬,嗰陣覺得好威、全香港最紅係我!」他再指當時變得高傲,因此得罪了不少廣告商,直至經歷挫折後,他才開始反省,「依家嘅自己唔同咗好多,唔係淨係向錢看,明白我講錯嘢會連累公司、隊友、同信任我嘅廣告商。」
曾自爆讀書時期拍拖經驗豐富的193,入行後鮮有緋聞及談及另一半,節目中,他大方承認2018年底出道後曾拍拖,但只得身邊數個兄弟知情,不過,他亦指目前已回復單身:「我認我拍拖都唔會公開,我驚公開咗之後,會影響到人哋,萬一同佢分咗手,佢可能會難咗識男仔,或者會被標籤成『193前女友』,因為我193都唔係咩好人,兩個人嘅事,留返喺兩個人嘅世界。」193亦坦承公開戀情,會影響一眾粉絲「老婆」對他的觀感,故即使有對象出現,他只會選擇地下情。
東網網站 : https://on.cc/東網Facebook專頁 : https://www.facebook.com/onccnews/
留言 7
Jyoji
自己攞嚟衰
05月05日00:57
神神君
活該!記得佢嗰陣時開口就串曾志偉,人哋都冇回應佢,仲講自己有幾威有幾威,就知呢個人素質低!
05月05日03:51
🧍🏻♀️☄️🎲🍀⚡型女•魔瓶⚡♒⚡
收喇!根本講唔講都錯!錯錯錯咪啱囉!🤮🥊⚡🌪️
🌋。。。。。。
05月05日01:05
橋
高佬低EQ
05月05日01:24
Yan
Shit我依家先知原來193同保琦係分別2條友
05月05日09:02
顯示全部