影后余香凝（Jennifer）與圈外人老公育有一子一女，婚後二人感情依然甜甜蜜蜜，近日迎來結婚4周年，余香凝獲老公「人肉速遞」，赴台灣為正在當地開工的她提前慶祝，認真Sweet爆。
余香凝目前身在台灣拍戲，結婚4周年被迫與老公分隔兩地，她翻出當年拍攝婚照時的短片回味，片中見老公孭起她，大擺各式搞笑甫士。余香凝受訪時直言感激上天賜了這位100分老公給她：「佢對我嘅事業係理解同全力支持，好似今次我要喺台灣留個幾月，佢就做帶女洪郎，早排帶咗大女專登飛過嚟陪我幾日。今年發生咗好多事，好壞參半，婆婆嘅離開令我同媽咪都好唔開心，老公就負責喺旁邊開解，陪我哋走過好悲傷嘅日子。佢真係好好，我會珍惜佢，希望我哋攜手到白頭啦。」
東網網站 : https://on.cc/東網Facebook專頁 : https://www.facebook.com/onccnews/
留言 0