今年初蕭徽勇（Gordon哥哥）約滿TVB不獲續約，離開效力23年的公司。而蕭徽勇效力無綫期間，曾演出不少劇集及為不少劇集配音，同時他亦主持過兒童節目《放學ICU》，今天（5日）蕭徽勇在社交平台悼念該兒童節目監製曾廣平，蕭徽勇憶起2人相處點滴：「還記得，第一次見面係2000年，至Net小人類嘅年代，當時你冇揀我入兒童組。直至2005，『葱葱闖地球』羅兹威博士一角，令你重新召喚我加入放學ICU，直至該節目十年後嘅最後一集。
多謝你對我嘅信任，多謝你嘅教導及指引。『恭喜勝出嘅小朋友之餘，同時亦要鼓勵輸咗嘅小朋友呀！』 呢句說話我記到今時今日。
多謝你喺2014年離職前，仍然努力維護一班主持。你拒絕藝員科cut我show。『藝員科問我可唔可以cut蕭徽勇show，我話佢做得好好又冇犯錯，點解要cut佢show呀？你又拍劇又配音又做主持，爆show爆得太勁哩！』 多謝你送俾我嘅兒歌金曲獎座。
人生無常！一個性格平和，不溫（慍）不火，樂天派，熱愛運動，健康生活嘅人竟然可以話走就走。永遠懷念你，Francis曾廣平，我們的曾監製，RIP，一路走好。」
（即時娛樂）
留言 0