鄧兆尊在YouTube頻道《娛樂好好玩》昨日（1月21日）上架的一集內容中，跟主持人吳家樂和謝遜大談城中熱話人物、大生銀行主席馬清鏗情婦「五索」（鍾睿心Rachel）。鄧兆尊在節目中又透露，曾有一名圈中女星同一時間周旋在多位富豪之間，但因為懷孕而不知孩子生父究竟是哪位，於是找鄧兆尊求助。
鄧兆尊曾向馬家求驗「五索」
鄧兆尊在節目中表示，與馬氏幾兄弟一早相識，認為他們向來是低調之人。馬清鏗情婦「五索」一事爆出後，鄧兆尊曾跟馬清鏗其中一位姪仔以短訊溝通求證，對方只回答一句「哈哈」，兆尊認為可能馬家其他成員都知道這件事。吳家樂直指這單是「夾新聞」，又指專訪中的兩名記者的態度非常差，「夾得嚟係輸嘅」。
吳家樂直言「五索」自稱擁有十幾儲名車和千幾萬手錶是「離地咗」。他與鄧兆尊都認為，「五索」最錯是找林作幫手，甚至形容林作是「好壞嘅軍師」。而在節目上架後，林作在社交平台發文表示：「本人將會就2025年1月20號吳家樂、鄧兆尊主持之YouTube節目於未來24小時作出重要澄清，就不實的報導及指控作出全面反駁之餘，提出正式要求。敬請期待」。
鄧兆尊又大爆圈中有一名女星同時間周旋在多位富豪中間︰「以前有個女星，佢交過4至6個有錢佬，冇啦啦就有咗，佢就問我『點呀？我應該同邊個攤牌？』我話呢啲冇得攤牌，你驗DNA，你同時期吖嘛，你唔好諗住漁翁撒網，卒之佢成功咗，六個一齊收錢，六個都唔認頭，（驗咗DNA都唔認頭？）直頭唔驗，一人100萬，Bye Bye！（小朋友都唔要？）唔要，你自己養。邊個認頭呀？公家車囉！」
鄧兆尊否認是陳彥行
吳家樂追問女星身份，鄧兆尊透露對方是跟他們同輩、曾跟吳家樂拍戲、未婚有小朋友。由於不少網民留言估楊思琦，兆尊說︰「唔係！唔係港姐嚟」、「拍古裝比較多，時裝就少啲，身材好fit！講晒！」至於是否陳彥行，兆尊直接否認︰「行姐咁蠢，點會做呢啲嘢。覺得自己聰明嘅女人先會做呢啲嘢，佢嗰時同我講就係話，『我有咩男人未見過吖？有咩人我hold唔住？冇人可以喺我胯下捱到15分鐘』。以為有咗小朋友，點都勾到一個！」兆尊堅持不開名，吳家樂問是否住在香港？兆尊表示「兩地走」，最後說到最大一個貼士，指該名女星是「陳李張黃何」五大姓之一。