53歲江美儀自爆玩交友App　目標明確搵壯男炮友

江美儀和吳君如胞弟吳君祥拍拖11年，2018年被爆原來二人早於2006年於西雅圖註冊結婚，最後2016年離婚。而江美儀早前和吳家樂主持YouTube頻道節目《娛樂好好玩》時，更自爆現在有玩交友Apps，更提到想約會精壯男「炮友」，好大膽。

當晚節目提到婚姻介紹所，單身多年的江美儀就自爆認識一位專業人仕朋友近日在交友Apps覓得真愛，所以她就試試玩：「佢仲教我第一次見面千祈唔好食晚飯，有咩事『彈鐘』就早啲走，飲杯咖啡咪好囉。」之後她揀了交友App登記課金入會，希望可以認識高質對象：「我登記咗幾個，有啲同我傾過偈、閒聊，我放咗自己張相上去，其中一個交友App以為係假江美儀，仲封咗我，應該有人舉報。」她更提到方力申和麥明詩都有曾經試過有交友賬號被封！
江美儀指因為擔心被人發現，所以現在只貼側面相及用假名：「所以初初唔係香港，搵外國人，內地都有搵。」
有網民提到交友App很多人「約炮友」，江美儀哈說：「我都係，我冇話我唔係，我就係想咁之嘛，你哋以為我做乜，搵真愛呀，哈哈哈。」之後吳家樂問是否想找精壯一點的「炮友」，江美儀就回應：「梗係啦大佬，又拍痰呀！」