《新聞女王》情慾權鬥！陳嘉倩做小三激過做戲

無綫劇集《新聞女王》尋晚（22日）播足兩個鐘頭大結局，五位女主角齊齊飲水泯恩仇，好經典嘅「BBQ」大團圓結局！套劇除咗權鬥好睇，「七國咁亂」嘅感情關係、情慾場面，一樣睇到觀眾嘩嘩聲。其實香港新聞界都真係爆出過唔少桃色緋聞！

因為似足「靜香」咁靚而爆紅嘅陳嘉倩（嘉倩BB），加入無綫新聞短短半年已經坐上主播枱。嘉倩BB喺18年退出新聞界轉戰娛圈，點知即刻出事！被爆當時男友陳志遠有「正印女友」無綫前藝人朱婉禎，嘉倩BB做「小三」！雖然佢即刻否認話對「三角戀」唔知情，不過「正印」朱婉禎再鬧爆佢大話精，就連前男友都爆佢一早知自己係「小三」！

前「新聞之花」周嘉儀，13年被爆同大自己17年嘅人夫主播許方輝撻着放工幽會，兩個都係知名主播事件震驚新聞界！被指破壞人婚姻嘅周嘉儀印象插水，被勒令即時放大假調離黃金時段新聞報道。冇幾耐周嘉儀就離巢，不過感情生活仍然精彩，曾經同手戴婚戒嘅中年男人遊商場，同「有米」商人撐枱腳，仲同立法會議員嘅仔同遊台灣！

東網網站 : https://on.cc/東網Facebook專頁 : https://www.facebook.com/onccnews/