陳蕾宣布將於11月30日假澳門威尼斯人綜藝館舉行「陳蕾澳門演唱會2024《念》」，演唱會優先門票昨天（7日）開賣半日已售罄，其餘門票將於下周二（15日）正式公開發售，票價分為5種，由488港元至1388港元。
演唱會以歌曲、舞台效果貫穿主題，呈現出的陳蕾式人生哲學令觀眾震撼。她被問到澳門演唱會內容是否跟香港一樣時說︰「知道當時有啲朋友買唔到飛，亦有想睇多次，所有基本上係原汁原味將《念》由紅館帶到澳門。我同時亦正同導演溝通，想加入剛推出嘅新歌《五瓣玫瑰》，以再突顯『向死而生』主題。」
對於優先門票迅速售罄，陳蕾開心表示︰「冇諗過大家咁好反應，因為之前到澳門做嘅，都係一啲較細嘅音樂會，但今次場地喺威尼斯人綜藝館，場館剛重新裝修完，未有人去過，大家只知道座位多咗、音響設備加強咗，所以好開心聽到優先訂票好成績。多謝今日買飛嘅每位，承諾到時會出120分力做到最好。」
（即時娛樂）
留言 0