Gin Lee(李幸倪)早前推出新歌〈告別煤氣燈〉宣佈有Cover Art設計大賽，公開徵封面設計，勝出者可成為正式封面，不過就未有提及有獎金或獎品，令網民直指其公司英皇孤寒搵著數。不過昨晚Gin Lee在IG再出文，就提到收到很多作品，而最後會揀選6長作品，被選中的設計者都會獲得iPad pro一部。
Gin Lee在IG留言：「🖌幫手設計我新歌《告別煤氣燈》cover art🖍‼️仲有4日‼️快啲報名啦💕呢幾日陸陸續續收到大家好靚嘅投稿，好多我都好鍾意，好難揀呀🥹 所以我決定最後會揀選6張作品，作為我新歌cover art喺各大串流音樂平台展示🩷 而每位作品被選中嘅設計者將可以獲得iPad pro一部🎁(仲有好多粉絲話佢哋冇AI或PSD，唔緊要！你哋任何平面設計format我都無任歡迎❤️ )活動仲有4日咋，有興趣嘅朋友快啲參加啦～ #告別煤氣燈」而之前被批評限制圖片格式，現在亦都放寬，粉絲開心番啲啦。