曼城教練哥迪奧拿出席賽前記者會就話「如果對手教練啱啱先至執教，嗰場比賽將會好難踢，但係修咸頓已經同新教練踢咗幾場比賽，佢哋好清楚自己踢法。依家每隊都為自己目標而戰，每場比賽都有相同特點，呢樣就係你一定要做好準備。修咸頓一直都係好犀利對手，我哋以前試過同佢哋打和，所以我覺得聽日場比賽應該幾難踢🫠。」
呢位西班牙教練又話「如果我哋失分，阿仙奴將會提早成為英超冠軍，如果我哋一路贏落去，我哋可能季尾有機會成為冠軍，而我哋已經習慣呢個情況，呢樣唔係問題😂。」
哥迪奧拿最後被問到點解自己未被人炒，哥帥就話「我同大家講個秘訣，呢樣就係因為我哋成日贏波。如果我哋贏唔到比賽，我就會被人炒。我無被人炒係因為球隊贏咗好多場比賽，並唔係因為我嘅頭髮生得好過其他人🤣。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/p/CkfcN9kyz3M/
留言 0