林家謙離奇爆出緋聞　竟與Now TV女主播關係匪淺

歌手林家謙入行以來幾乎零緋聞，惟近日有網民聲稱於太子往旺角方向，疑似見到林家謙與女友拖手出街，但由於冇提出任何證據及照片，大部分網友都唔相信，質疑可能只係人有相似，更笑指所謂「女友」係咪家謙好友Serrini。不過隨後又有網友留言問該女子係咪Now TV主播，更有人突然大爆前Now TV主播呂德琳（Vicky）係家謙女友，並列出兩大證據，指Vicky上鏡時多次戴上疑似林家謙紅館騷限量版口罩，更指出佢哋疑似有情侶同款黑白手錶，有網友仲翻出Vicky主持節目片段，片中佢表示暑假睇咗好多演唱會，另一女主持笑問睇咗邊個演唱會，佢口窒窒答「草蜢」，但其他人唔相信，令佢即笑指：「舉個例子啫！」

東網網站 : https://on.cc/東網Facebook專頁 : https://www.facebook.com/onccnews/