今時今日同朋友message仲用emoji？識用梗係用sticker啦！有用開LINE的朋友都知sticker store有各式各樣的貼圖，無論是甜美可愛、趣怪得意或搞笑啜核的風格都應有盡有，但原來用戶還可以自製貼圖，只要透過《LINE Creators Studio》App，簡單幾步就能幫你製作充滿個人特色的sticker，重點是完全免費，有興趣的朋友立即睇以下教學啦。
今次介紹的《LINE Creators Studio》App專門為希望製作貼圖自用的用戶，所以即使剔選公開上架，創作用戶也無法分得利潤，用戶亦可選擇不公開上架，兩種情況下創作者同樣可免費下載一套，亦可付費來贈送給朋友使用。
自己貼圖自己做
首先下載《LINE Creators Studio》（LINE拍貼），登錄用戶資料和連結LINE帳號，然後就能開始製作貼圖，先輸入貼圖標題，然後就能上載照片，每張相片也要先「退地」，即是將主體勾勒出來，使背景消失，之後可再加上文字、相框和裝飾圖案，例如對話框、心心等，便做好1張貼圖。
除了將相片「退地」，創作者亦可以直接用App內置的貼圖和文字，加上手繪圖案來製作出簡單貼圖。用戶最少要製作8張貼圖，最多可做40張。成功提交申請後，就會收到LINE Creators Market傳來的確認訊息，用戶只需要耐心等候審核完成。
至於審批時間長短並沒有一個確切的答案，App內只寫明包含文字的貼圖審核過程較長。記者實試過，隔日就收到通過審核的訊息，能即時免費下載使用，雖然不能即整即用，但等一天亦可以接受。另外也要注意貼圖素材的版權問題，不能複製Sticker Store現有的貼圖，亦不能帶有仇恨或冒犯性字眼等，否則申請會被拒絕。
退地後的貼圖可下載保存
製作好的貼圖還可以下載到手機，再用來製成其他通訊App的Sticker，又或者貼上其他照片上作裝飾，即使當它是照片編輯App也非常實用呢！
自家創作LINE Sticker能賺錢！
如果你平日有畫開插圖，希望利用原創的LINE貼圖賺錢的話，可以使用網頁版的 LINE Creators Market 製作公開上架的貼圖，同樣要經過審核，成功上架後，如果夠多用戶付費下載，創作人也可分得利潤。有興趣的朋友不妨試試，將你的創意化成商機。
留言 0