50歲的森美正在和老婆陳雅嫻(Veronica)遊日本,但昨晚就在IG連環出限時動態,原來因為酒店取消訂房而無房可歸,晚上10點幾依然流落大阪街頭。親身及網上找過大小酒店都沒有房,就遦網吧亦都滿,森美自爆老婆已經開始發嬲:「重點係我老婆都開始唔睬我,希望今晚搵到地方瞓啦!」
森美拍片自爆本身已訂好的房間被突然取消:「我而家夜晚10點幾攞住個行李箱喺條街度行緊,原因就係我訂咗酒店,就由京都返嚟大阪,搭火車返嚟大阪嘅時候,晏晝五點就收到email,訂酒店嘅網站話俾我聽我嗰間房冇咗。」更已經付款:「我一個禮拜前已經confirm咗,同埋冇得退款嘅Booking,亦都confirm咗,但嚟到而家就冇啦!」他指已去到酒店找職員爭論兩小時,但無結果:「去到冇咗個booking,而家夜晚十點我搵晒成個大阪都冇酒店,而家喺街上就挑戰人生,估都估唔到去日本旅行,大阪都嚟過好多次,shopping又試過,探險真係未試過,搵唔到,唯一搵到嘅酒店喺奈良,但係冇可能飛去奈良,最後發生咩事會點呢?搵咗成晚都搵唔到酒店。」
留言引來圈中好友留言,同事當奴回應:「講唔完嘅旅遊真樂趣。」而無綫的區永權則寫上:「報東張……唔知有冇用?」最後隔了一小時,森美終於報喜,指有一位不常見面的朋友幫忙找到一間酒店房:「結果真係有一個朋友,雖然好耐冇見,但係就係憑今次個經歷,幫我喺網上面搵到一間不遠酒店!最後一間房,下次book咗房真係要再,自己send email去酒店confirm先至好出發,網上網站,中介人信唔過,我知你哋好想知係邊間…….詳情留返節目講俾大家聽,重點係人生好多艱難,你係估唔到會發生。去到最後都係要靠朋友,多謝各位朋友,感激每一個關心每一個電話每一個短訊,好多人平時冇見冇傾但係都拔刀相助,世界有愛,感恩,你們每一個人都很有愛!祝唔使7街瞓嘅朋友,早唞!多謝關心。」森美稱今次全靠朋友幫忙,好感激。
留言 22
Glacier
係唔係咁誇啊??俾多D錢咪得囉。成個大阪咁大,咪九吹啦。
4小時前
Ho
成個大阪都冇酒店?真係匪夷所思🤨
3小時前
Danny Wong
我今年就36 ,我記得細個10幾廿歲嗰時好鍾意森美,覺得佢講嘢好有道理好似好in又有學識.
後尾長大之後發覺,原來人就算有學識或者幾型都好,原來人老咗真係會變. 其實發生呢啲事大家都唔想,但係係咪真係會去到世界末日咁,自己係公眾人物,仲要live咁擺上網俾人知道你成家人有幾咁大爺病同公主病? 而家唔係話超級旅遊旺季,又唔係喺北海道冬天冰天雪地,其實搵一間差少少普通啲嘅酒店去瞓係咪真係咁難,當然如果你一定要搵一間喺正你本來酒店附近嘅話,咁真係可能會冇,女人發脾氣就好正常,但你身為男人一家之主係咪唔應該喺你覺得咁大件事嘅情況之下再直播,然後仲要話俾人知個老婆發嬲唔睬你?
而家嘅森美可能受慣人哋尊重又有少少錢,見佢平時喺電台侮辱人嗰種口沒遮攔唔理人感受仲當有趣,睇嚟佢已經一步一步向廢老進發,呢個森美已經唔係我當初喜歡嘅森美了。就好似而家喺香港已經唔係我以前鍾意嘅香港了…
3小時前
RC
即刻book多間房有幾難,幾嚿水,咁嘅嘢都搞唔掂扺你瞓街啦,
4小時前
Debbie Chu
人衰遇嘅經歷都衰過人🤣🤣
3小時前
顯示全部