不主動、不抗拒、不負責 龍婷HelloKiss製作人丘亞葵　 男方割蓆吻完即棄

1.因中年好聲音爆紅嘅龍婷 ，近日被拍得與人夫車內HelloKiss！事緣當日龍婷出席活動後，登上已婚演唱會製作人丘亞葵 座駕，情到濃時，龍婷主動挨近丘亞葵，輕搭對方膊頭 kiss 。二人仲喺街外撓手，女方仲拍丘亞葵重要部位，非常Sweet！

2. 事後丘亞葵慌失失回應，指同龍婷早喺2017年經唱片界朋友認識，直至去年公開場合撞番傾合作。至於被拍得拖手又有親密舉動，丘亞葵就話，「我係已婚嘅人，同龍婷清清白白。」對於誇張行為，佢回應：「只係朋友式嘅Hello Kiss，錫面一啖。」

3. 丘亞葵又話同老婆已解釋清楚並道歉，兼且同龍婷劃清界線，話以後見面僅限於工作，不會私下見面。事後丘亞葵將facebook鎖上，並清空貼文。而龍婷所屬嘅TVB Music Group就發聲明話龍婷同丘亞葵只係多年好友。

4. 據悉，照片曝光後，有人主動向部份傳媒爆料，指女方一直採取主動，為爭取工作機會而出擊，男方只是處於被動狀態，絕無越軌。

5. 有人想將全部責任推向女方，但呢番言論真係搵鬼信！被吻完即棄嘅龍婷，現年43歲，感情生活一直低調。之前有傳過佢喺內地已婚、又離過婚仲有個女，不過佢一直冇承認。而自參加中年好聲音以嚟都甚有觀眾緣，被指聲線似鄧麗君添。雖然最後三甲不入，但都有唔少工作機會，仲自資製作新歌，由2019年至今已經推出咗廿幾首單曲。

6. 龍婷曾經接受訪問時講過，鍾愛成熟型男士，始終年紀大啲，經驗能力都好啲。65歲嘅丘亞葵的確夠晒成熟，龍婷自己年紀亦唔細，不過今次閙出醜聞，好明顯兩人對處理男女關係，都唔多成熟!補充返，金句：不主動、不抗拒、不負責，其實仲有句下聯：不理睬、不接受、不上釣！

▼Follow 娛頭
Facebook: https://www.facebook.com/profile.php?id=61554772610166