香港人不可以不知道方力申與香港泳總這件事，而要知道這件事的嚴重問題在哪裏，關鍵字是 meritocracy。
一個社會能否健康發展、進步、百花齊放，meritocracy 是必然的。所謂 meritocracy，就是邊個勁就邊個上，一字咁淺。
任何一塊不是行 meritocracy 的話，就一定沒有運行，尤其是運動這一塊。
如果我同你講，你作為一個籃球員，每場平均攞三十分加十個籃板十個助攻，都入唔到港隊，但反而十六分兩個籃板零個助攻那位入到。
原因是，三十分那位不是來自名校，但十六分那位是喇沙，你覺得香港籃球還有沒有希望？
如今一位屬於方力申泳會的九歲男孩，雖然在泳總舉辦的比賽上達標，卻不能參加錦標賽，原因是方力申的泳會級別不夠高。
換句話說，泳總所設的遊戲規則是，就算有條廢柴泳手比一位天才泳手游得慢，但如果這名天才泳手所屬的泳會級別不夠高而廢柴泳手的泳會級別達標，天才泳手都不可以晉身錦標賽，但廢柴泳手可以。
報導呢件事嘅媒體係同我一樣咁愛國嘅星島日報，所以為咗表示出我比星島更愛國，我不得不比星島說得更大聲。
有富二代同我講，佢見到香港有些國際學校的入學申請表，睇到火都嚟。
“里怒眉，我秘書同我講，嗰張 application form 夠膽死問，what do you think you can contribute to the school as parents。即係點呀？你睇我家境唔係睇我個仔能力？咁我個仔第日係咪要同一班有家境但冇能力嘅廢物一齊讀書？”
我明呀，學位呢啲嘢，梗係富者居之啦，但學校都唔使畫晒啲腸出嚟咁嘔心嘛。
有些國際學校勁到年年都有 IB 狀元，有些國際學校成績越來越差於是狂賣廣告所以似學店多過似學校，在一張 application form 其實也看到一點端倪。
話雖如此，這些是私校，說得是私，即是背後有老闆，咁間學校係老闆你嘅，你想點玩咪點玩囉。
但而家係講緊，將來有機會代表香港參加比賽嘅香港泳隊成員。
如果泳總嘅 policy 係游九秒九都要讓路畀十九秒九嗰位因為所屬泳會重要過成績，泳總係咪有必要同老闆交待下呢個準則背後嘅意義？
香港泳隊的老闆是誰？Last I checked，係所有香港人。
Subscribe FORTUNE INSIGHT Telegram:
http://bit.ly/2M63TRO
Subscribe FORTUNE INSIGHT YouTube channel:
http://bit.ly/2FgJTen
留言 0