曼聯中場般奴費南迪斯接受訪問就話「我對於自己成為職業足球員而覺得好榮幸，呢樣唔單止係一個職業，而係我哋由細到大嘅夢想。最近幾年球會同國家隊都有大量比賽，呢樣對於球員嚟講可能唔係咁好，因為我哋都需要休息🙂。」
呢位葡萄牙🇵🇹中場又話「不過，每次當教練問我係咪需要休息，我都會話唔洗，因為我成日都會做好準備參加比賽同埋我明白自己總有一日嘅上陣時間只會越嚟越少，所以我想好好利用教練比我嘅機會😊。」
般奴最後就話「我想恭喜魯賓迪亞斯同貝拿度施華贏咗歐聯冠軍。當歐聯決賽完咗之後，我就即刻send短信比佢哋。對於葡萄牙嚟講，有兩位葡萄牙球員贏到歐聯冠軍係好大嘅榮譽。而對於我嘅球會嚟講，今次可能唔係好消息，但作為佢哋嘅朋友，我真係覺得好開心，我希望之後有更多葡萄牙🇵🇹球員贏到歐聯冠軍☺️。」
▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/football.jai/
留言 0