MIRROR演唱會取消所有高空環節 花姐親自坐控制台監場

MIRROR一連12場紅館騷於25日正底開鑼，不過危機重重的舞台機關連日來都成為討論焦點，首場成員如AK、姜濤、Edan等都在表演期間險跌倒，Frankie更於第二場從舞台跌下受傷，搞到一班鏡粉都好擔心，出聲要求取消機關環節改為「平地表演」。幕後團隊亦緊張MIRROR安全，昨晚開始已更改了部分演出環節。

為了令MIRROR表演得安心，鏡粉睇得放心，昨晚開始多個舞台環節都已經被改動，包括取消外圍catwalk、取消Anson Lo唱《King Kong》臨尾向後倒跌落台底的動作及舞蹈員在升降台反身跳落台底的環節、Jer演唱《黑夜不再來》時吊台四邊加了欄杆、Frankie的個人演講改在平台進行、團歌環節亦由高空吊橋改為平台演出，MIRROR因而要為《Ignited》重新排舞，另外所有吊橋環節都全部取消。

而金牌經理人花姐（黃慧君）昨晚亦親自上場擔任監製，全晚在控制台睇住12子的演出，成員Tiger、Stanley、AK等都表示有花姐即時放心曬，網民亦大讚：「唔怪之得好咗」、「都係要你睇實，至係最穩陣」等。