內地頂流女星劉亦菲，今年憑《玫瑰的故事》再創事業巔峰，憑精緻演技將女主角「黃亦玫」演得活靈活現嘅佢，更被網友封為「黃玫瑰」。而早前（18日）先喺社交網透露想去哈爾濱睇冰雕作品「冰封黃玫瑰」嘅佢，日前晒出一輯着長褸、短皮褲襯長靴嘅靚相，並透露自己已經如願去咗當地睇「冰封黃玫瑰」，清純甜美又不失優雅嘅打扮，引嚟唔少網友大讚：「國民校花！」、「好像女大學生！」
此外，劉亦菲更晒出母女合照，只見身穿淺啡色大褸嘅劉母，肌膚無瑕之餘仲氣質出眾，挨喺劉亦菲身邊嘅劉母，驟眼望落宛如姊妹花，令唔少網友紛紛感嘆道：「媽媽狀態也太好了吧！」、「劉亦菲媽媽的狀態，讓我看到了劉亦菲以後的狀態。」
東網網站 : https://on.cc/東網Facebook專頁 : https://www.facebook.com/onccnews/
留言 0