敖嘉年和陳思圻及蘇韻姿，拍攝HOY TV原創劇《我愛九龍城》今次是蘇韻姿首次拍「牀戲」兼玩腳趾。
當日蘇韻姿和陳思圻穿上深色晨褸，嘉年就赤祼上身，齊齊躺在一張4呎雙人牀上，3人貼身玩腳趾，敖嘉年重提該場戲也忍不住笑：「導演安排見到我哋嘅腳，有種意識係我哋喺牀上好開心咁玩腳，有啲似卡通片，我哋叫腳的交流，希望咁樣我嘅腳會有BB 。」
原來今次都是敖嘉年首次拍牀戲，陳思圻表示3人已經建立默契，一直在構思腳趾可以如何玩，亦想不到會有火花：「大家都唔想太Over ，因為劇情只想帶畀觀眾歡樂，其實係意識大膽，畫面上好健康。」
蘇韻姿大讚兩位拍檔令她放心，整個拍攝過程好享受，她又分享「第一次」的感受：「今次係我第一次拍牀戲，初初都有啲緊張，有啲怕醜，大家一齊坐車時仲有傾有講，點知一上牀我就靜咗，唔知點算好，不過可能我同Vicky（思圻）本來都熟，加上同嘉年哥都拍咗幾場戲，都開始熟絡，最終順利完成﹗」
（即時娛樂）
留言 0