哥迪奥拿： 今日嘅洛迪唔係世界上最好防守中場，我真係嬲咗佢 洛迪已經同隊友道歉，我希望佢可以吸取教訓

曼城教練哥迪奧拿出席記者會表示「洛迪已經拎咗紅牌，佢已經同隊友道歉。洛迪一定要好好控制自己情緒，我可以拎黃牌，但洛迪唔可以拎紅牌，因為我唔洗落場踢波。我真係希望洛迪可以吸取教訓，球場上嘅球員必須要控制自己情緒🙃。」

哥迪奧拿又話「我真係有啲嬲嬲地，所以都拎咗張黃牌，因為對手一開波對夏蘭特嘅犯規竟然無黃牌。不過我係呢度都差唔多八年，好熟呢度啦，而我係中場嗰陣已經提醒一班球員要小心控制情緒😮‍💨。」

呢位西班牙🇪🇸教練最後就話「我哋可以對住一個人講大話，但唔可以對住六萬人講大話，我相信球迷睇到我哋無偷懶，我哋用盡全力應付下半場困難情況，而球迷亦都有落力打氣，佢哋嘅打氣聲可以為我哋提供更多能量🙂。」

▼ Follow Football.jai 足球仔
Facebook: https://www.facebook.com/football.jai
Instagram: https://www.instagram.com/football.jai/