憑《想見你》爆紅並勇奪金鐘獎視后嘅台灣女星柯佳嬿，向來熱愛小動物嘅佢，不時喺台北市立動物園嘅社交網留言互動，引嚟唔少網友朝聖留言外，日前迎來馬來貘BB嘅動物園，亦特地喺社交網Tag柯佳嬿參加改名活動。
台北市立動物園嘅馬來貘家族「貘樹」、「Putri」，喺上月順利誕下雄性馬來貘BB，而根據動物園慣例，今次同樣喺社交網公開徵名活動，引嚟唔少網友創意留言外，柯佳嬿嘅創意改名「貘俊傑」仲震驚唔少網友，原來「貘俊傑」取自《想見你》嘅「莫俊傑」諧音，幽默感爆燈之餘，唔少網友都留言希望柯佳嬿今次可以成功幫馬來貘BB改名。
東網網站 : https://on.cc/東網Facebook專頁 : https://www.facebook.com/onccnews/