台灣啦啦隊向來競爭激烈，隨着愈來愈多年輕嘅新星及日韓美女嘅崛起，現役嘅老一輩成員退休亦為唔少網友關注嘅熱話。而隨着愈來愈多嘅網友質疑「高齡化」，唔少年過30歲嘅成員都紛紛現身發言回應，其中有着「人間水蜜桃」美名嘅D奶壯壯，更透過社交網主動分享獨特見解，直言：「這是一個非常棒的問題。」
現年32歲嘅壯壯表示，現代社會已經冇咗刻板印象及偏見，每個人嘅價值及尊嚴都係平等，女性唔會再係某個年齡層就要結婚，並認為啦啦隊喺體育賽事中扮演重要角色，該職業更可以延伸出不同嘅發展及價值，甚至連男性都可以加入成為啦啦隊一員。而針對40歲適唔適合繼續跳啦啦隊嘅疑問，壯壯強調只要可以敬業及專業地完成工作，年齡就唔會係問題，並表示除非出現膝蓋受傷、身體狀況不佳等情況，正常而言都可以勝任啦啦隊嘅工作，並相信各行各業都需要有專業經驗累積嘅人才，而呢啲人才通過工作歷練，有助引領團體更快達成目標，減少或避免不必要的失誤。
東網網站 : https://on.cc/東網Facebook專頁 : https://www.facebook.com/onccnews/
留言 0