藝人黃嘉樂入行多年多次在無綫劇集飾演細佬角色,憑「御用細佬」形象入曬屋,他昨晚(2日)突然於IG留言宣布離巢:「感謝這二十一年伴我成長的一切,所有遇上的人和事都是我最好的收穫。跳岀舒適圈,尋找更多機遇,迎接未來更多挑戰,期待一個全新的自己。」他又加上「#AbrandNewDay」、「#感恩一切」、「人生有幾多個十年」等hashtag,透露展開新階段的心情。
現年43歲的黃嘉樂2001年入行,至今演出過超過40部劇集,曾於《舞動全城》、《盛世仁傑》、《巨輪》、《痞子殿下》等飾演弟弟角色,雖然早年經常獲分配飾演閒角或配角,但在《鐵馬尋橋》、《點解阿Sir係阿Sir》等劇集都有好表現,近年亦曾連續三度入圍萬千星輝頒獎典禮最佳男配角,可惜最後都空手而回。據知,黃嘉樂仍有4部參演劇集尚未播出,分別是《旁觀者》、《OPM》、《法言人》及《本尊就位》,當中在《法言人》更是首次擔正做男主角。
黃嘉樂除了為無綫拍劇,2011年亦曾另簽經理人公司嘗試往內地發展,不過發展不算順利,即使後來再簽約成為無綫經理人合約藝員,又接連面對拍《張保仔》致十字韌帶斷裂停工一年、爸爸因癌病逝世等打擊,一度陷入低潮,到再接演《果欄中的江湖大嫂》、《白色強人》後,演藝事業重現起色。
留言 3
Lee Chun Yuen
加油~
2022年12月03日09:40
Alan Chow
剛剛係好聲好氣阿姐先點名支持佢
2022年12月03日09:57
Pe˃̶͈̀௰˂̶͈́Pe
「入行21年首部擔正劇集未出街」😱
係大台真係嘥時間
2022年12月03日14:36
顯示全部