看到日本餐廳一街都係，就知道香港人有幾鍾意日本菜。不過有時都難免會覺得單調……如果日本菜加入本地飲食文化元素，會否為大家帶來新鮮感，又更合乎大家口味呢？最近Umami日本餐廳推出了「濃情港味」日本創意料理，用上大澳蝦乾、避風塘製法等等，聽落有點奇怪，不過CONY本著大無畏精神，親身去同大家試試！
是次fusion菜單源自酒店與本地畫家趙綺婷的合作，為配合一系列以香港城市景色為主題的畫作，Umami總廚大搞新意思，在日本菜式上加入本土的食材，設計了5道創意料理。
大家可以先欣賞一下最注目畫作的製作過程
A post shared by Elaine Chiu 趙綺婷（超易拎） (@elainechiuart) on May 3, 2018 at 10:40pm PDT
師傅的第一道菜刺身、壽司拼盤先向街頭小食咖哩魚蛋致敬，壽司上碟時呈丸形，並以竹籤串起，食客拿起就食得！看似著通，但師傅其實好細心，知道串起的壽司不容易沾上豉油，先在丸壽司上加了鰻魚汁，微甜的味道更能帶出魚的鮮味。
之後奉上的是炸物天婦羅，用上大澳蝦乾、日本三葉菜。菜式配搭得宜，食材外包著酥脆輕盈的麵衣，加上三葉菜，成功平衡了蝦乾本身濃郁的味道，咬著咬著迎來陣陣鹹香及香菜交織出來的美味。
接著是CONY的私心推介──乾蒜韭菜炒長州雞腎。齋聽菜名以為是香港的長洲？非也非也，此為日本山口縣的長州。當地的走地雞乃是日本名物，特色在於皮薄而肉嫩脂肪少，對身體較為健康，甚至會有日本人當作刺身食用。品嚐過後發現長州雞腎確有不同，口感更為爽脆，讓人難忘。菜式用上避風塘炒辣蟹製法，以七味粉代替辣椒醬，配合大量香酥炸蒜，其香、辣、惹味，不遜傳統風味。當中的韭菜亦帶來驚喜，與雞腎一同食用可以減低油膩感之餘，又可以沾上大量炸蒜，提供更豐富口感，連平時不吃韭菜的CONY都能夠「照鏡」就知道有幾好味。
最後當然唔少得甜品，菜單以鴛鴦味的閃電泡芙收尾。泡芙外層鬆脆，入面充滿著咖啡、奶茶香的Custard Cream。內餡甜度不過份，未覺膩口。擺盤亦值得欣賞，有蘑菇造型棉花糖，黑、紅桑子，造型一流，特別適合相機食先！
「濃情港味」日本創意料理
日期：即日起至8月31日（星期一至五供應）
地點：數碼港艾美酒店Umami日本餐廳
價格：每位480元（設加一服務費）