啱啱新婚冇耐嘅苟芸慧近日已火速復工,認真落力工作!不過,原來苟姑娘咁心急復工係因為一個男人!講梗嘅唔係佢老公陸漢洋,而係喺戲中飾演佢老公嘅呢位男神!究竟係邊個男人有咁大吸引力?!
撰文:東方新地|圖片:新傳媒圖片庫
苟芸慧火速復工只因呢位男神
日前,苟芸慧現身網劇《飛虎之雷霆極戰》記者會,苟姑娘就大爆話:「因為馬國明做我老公先拍,依家心目中最靚仔老公係佢!」,嘩!啱啱呢頭先同錫礦大王後人陸漢洋結婚,嗰頭就咁樣講,睇嚟苟姑娘都好大膽下,一啲都唔擔心自己老公會嬲豬!
苟姑娘仲話今次連酬勞都冇問就即時答應,咁梗係嘅,事實上苟姑娘婚後唔憂做,聽講仲收千萬家用,依家出嚟拍網劇好明顯就係搵啲細藝,打發下時間!
嫁錫礦大王後人 苟芸慧收千萬家用
35歲的苟芸慧早年因甲狀腺出現問題而肥腫難分,被逼減產醫 病,令其演藝事業停滯不前,人生跌落谷底。直至兩年前戀上45歲的 陸漢洋,苟芸慧約滿無綫離巢,愛情與靚樣返晒嚟,今年2月更大晒三卡求婚鑽戒,宣布嫁得。
留言 0