南韓啦啦隊成員李珠珢，有着「AI美人」稱號嘅佢，自去年9月同舊經紀公司解除合約後，一舉一動都備受關注。而隨着新一季職業棒球賽開始在即，日前（22日）台灣富邦球團亦重磅宣布已同李珠珢簽下台灣演藝工作全經紀約，成為富邦旗下第一位全經紀約嘅啦啦隊員，同時李珠珢亦更新社交網，晒出自拍之餘，更分別以韓文及中文寫下自己嘅名字，並附上場記板符號寓意即將來台工作。
此外，南韓網友亦針對大量韓籍啦啦隊成員赴台工作嘅現象討論，認為職棒啦啦隊喺台灣深受歡迎，甚至連待遇都同名人同級，加上廣告、代言更係接唔停，收入自然不言而喻。另外，更有網友爆料表示，台灣以高出南韓5倍價錢，天價挖走李珠珢。
東網網站 : https://on.cc/東網Facebook專頁 : https://www.facebook.com/onccnews/