愛駒「舞林密碼」勝出賽事 郭富城偕妻女元旦日拉頭馬

郭富城日前在台北小巨蛋完成3場個唱後返港，今天（1日）元旦日偕老婆方媛及兩個乖女現身馬場，撐馬匹「舞林密碼」。今天第10場三班1200米，「舞林密碼」在黃智弘策騎下勝出，頭馬獎金大約104萬，身為馬主的城城袋7成，即有約73萬，發了個元旦新年財﹗

城城賽後表示因為「舞林密碼」之前曾受傷，他的心態是讓馬匹慢慢康復，不會給練馬師方嘉柏壓力，可以等隻馬狀態回復才再出賽。城城說：「今次落番三班（賽），我同方仔（方嘉柏）話可以試用黃智弘，因為我覺得佢騎得幾好，同埋想畀多啲機會香港嘅後生騎師，方嘉柏有聽我意見，結果拎到好成績。

咁啱我做完演唱會返嚟，其實我聽日（2日）會再飛，可以喺2025年第一日拉頭馬係緣分。今次係我同太太、小朋友第一次拉頭馬，希望可以將呢份喜悅傳播出去，將運氣帶畀全香港人。」

郭富城另一愛駒「著迷」改名為「舞林寶典」，他解釋因為之前馬名都是4個字，但今次用兩個字之後隻馬便受傷，改名後隻馬可以復操，及後亦會試閘。

另外，談及在小巨蛋首場發生墮台意外，及後城城已發文報平安，今天他表示沒有事，並多謝大家關心。

（即時娛樂）