實惠「感謝帖」引全城抽水　微辣跟風網民反感：係執就快

連鎖家品店實惠周一（10月14日）凌晨突然在社交平台發帖稱「多謝各位多年支持」，惹來結業疑雲，其實是該公司的宣傳手法，引起話題。事後，不止對手宜家家居（IKEA）抽水出帖，連娛樂圈中亦有不少人跟風出帖。

一向被網民稱為「抽水王」的IKEA，中午貼出同樣字眼「多謝各位多年支持」，加上細字「小編」，並暗諷寫道：「痴線⋯小編先唔會扮結業呀！」，然後再補充「IKEA嘅產品一早已經係創新低價⋯即係突破新價」。

此帖一出便獲網民勁讚達「抽水新高度」，留言指：「大師一出手，便知有沒有」、「抽水抽得靚」、「抽水王永遠唔會令人失望」。連藝人莊韻澄（前名莊端兒）亦留言表示：「水塘都俾你抽乾。」

娛樂圈中亦有不少人加入「抽水潮」，包括前香港電台前助理廣播處長周國豐及《愛．回家》的「潮偉」袁文傑。他們都分別出「多謝各位多年支持」的帖文，其中周國豐就借機宣傳其擔任評審的節目《中年好聲音3》。而袁文傑就被讚「跟得好貼」。

YouTube頻道微辣同樣在其社交平台上抽水出「感謝帖」，卻引來網民留這：「終於執笠」、「無人支持你囉」、「係就快」。而微辣創辦人陸志豪（六毫子）就留言道：「唔使做？」，獲出帖者回應：「想」，不過亦有支持者表示期待微辣繼續出片。