早年憑住無綫經典劇《皆大歡喜》中「金日」一角而入晒屋的45歲陳彥行(行姐),於2006年同無綫約滿後離巢,近年已甚少在幕前出現,不過近日行姐竟然在節目《東張西望》公開自己的75歲媽媽誤信銀行理財主管開立聯名戶口,結果捲入3千萬保單的風波,令行姐激氣又無奈。
節目出街後,行姐再次成為網民焦點,而其強大背景亦被「起底」。唔講唔知原來行姐是民國初年雲南革命黨軍官黃毓英的後裔,於加利福尼亞大學(University of California)修讀大眾傳播系,畢業後加入第7期藝員進修班,再跟無綫簽約開始拍劇,雖然一直都出演配角為主,但就憑住搶眼靚樣而曾經同傅明憲、曹眾、彭子晴及姚瑩瑩等人被封為「無綫五美」。行姐過去作客苑瓊丹主持節目《開工大吉77》時,曾經被形容為「名門之後」,行姐公開自己太公是一名烈士,不過因為自己入行多都無大成就,擔心影衰祖先而沒有提起。
留言 14
Mozzie
果間銀行就係渣X銀行北X分行,事發半年前受害人買左2000萬基金,然後個RM倍大受害人資產,用基金所賺既利息全數買保單,後來因為基金輸錢,利息唔夠供保單,所以保單斷供,前前後後有5張斷供,銀行方面為左件事唔向公眾公開,已經賠償1500萬為基金上損失,但係RM違規銷售保險,MA堅決唔賠錢,所以事件最後上左東張西望,希望用傳媒壓力迫銀行賠錢。而果位RM已經離職,轉投i-bank升職加人工。銀行啲所謂理財就係咁黑暗,如果唔係點賺你錢。大部份跑到數既RM既銷售手法跟本唔合規,理財分析問卷FNA跟本亂作,唔附合客戶事實,因為跟足FNA要求,跟本做唔到大單大生意,RM跑唔到數食得屎
2021年12月28日11:47
Kame tang
名門之後又怎會是烈士,將門之後是不是啊
2021年12月28日09:53
David Lai
軍閥之後,民初軍頭有幾多個喺愛國愛民?
2021年12月28日11:14
Yellowwong
買保險,不知什麼,受保人是誰呀
2021年12月28日10:38
JN
佢係咪應該返大陸撈呢?個背景好愛國呀!
2021年12月28日11:51
顯示全部