內地女星吳謹言憑宮鬥劇《延禧攻略》紅遍大江南北，雖然之後陸續推出多部劇集成績都大不如前，但近日靠新劇《墨雨雲間》成功翻Hit嘅佢，更因精湛成熟嘅演技再創事業巔峰，隨着人氣急增嘅同時，日前受邀上內地訪談節目嘅佢，更自爆打開知名度前，最窮剩得200蚊人民幣（約214港元），亦因此令佢更加珍惜每一次嘅演出機會。
吳謹言透露，成名前自己一直喺各個劇組中輾轉，靠出演小配角維持生計，由於當時佢只係可以靠公共交通工具奔波各地去拍戲，所以地鐵、巴士要點樣轉乘，佢都相當熟悉。此外，佢亦提到有段時間因為完全冇工開，某次喺超市埋單時，竟被告知餘額不足，先令佢驚覺自己身家僅得200人民幣（約214港元），但因為對夢想仍抱有希望，經過努力及堅持後，終於獲得如今嘅成就。
東網網站 : https://on.cc/東網Facebook專頁 : https://www.facebook.com/onccnews/
留言 0