林希靈考獲法國烘焙師資格　捧10幾條法包回家嚇親老公

前TVB「東張女神」林希靈現已過檔HOY TV主持節目《一線搜查》。早前她更在IG宣佈成功考獲法國政府認可專業烘焙師資格，回想當初只當興趣班心態報讀，上完第一堂捧了10幾條長法包回家，嚇親老公陳安立。

林希靈出了大量相片，留言指花了半年時間學習：「終於成功考獲法國政府認可專業烘焙師資格！半年時間的學習旅程，一點也不輕鬆，好想多謝導師，同學們，家人和朋友的支持，令我成功圓夢 😛😛一開始只是以參加興趣班的心態報讀，沒料到課程內容原來是非常龐大和豐富，以成為專業烘焙師為目標出發。第一堂上完，我捧住十多條長法包回家，直頭嚇親陳安立。好在身邊好多親朋好友願意做我的「白老鼠」，半年内不斷支持我的「期間限定麵包店」，仲俾咗好多寶貴意見，令我不斷改良和進步。」

更提到壓力很大：「課程經歷了兩次考試，最大壓力係要背晒一堆數字公式，每樣材料的份量都要非常精準，而每次一考就考超過7.5小時，要確保80多個麵包完美出爐，壓力大過壓力煲。好彩有一班好好的同學，放假都約出來溫習備戰，最後大家一齊拋廚師帽，一齊順利畢業，非常感動！」而她亦提到很多朋友問她幾時會開麵包店，她指暫時未有計劃，但已經和幾間餐廳傾合作。