藝人高海寧（高Ling）於內地爆紅，日前她於內地出席時裝騷活動，打扮得極度漂亮，一出場即全場鎂光燈狂閃，現場的人都不時高呼她的名字，艷光四射，甚受歡欣。高Ling穿了一條純白色斜膊裙，裙側大開衩身材Fit爆的她盡顯曲線美，同場的還有楊茜堯，茜堯則穿了一條粉藍色毛毛裙，高貴大方，同樣坐在同一排的她們不時交談說笑，相當開心。
高Ling接受東網獨家訪問時謂：「當日我台慶攞獎條紫色晚裝裙就係呢個品牌嘅，今次係佢哋最新一季的Fashion Show，現場Model分別着咗好多新款婚紗同晚裝，我身上嗰條都係最新一季嘅款式。」說到她穿得比現場Model還漂亮時，她笑言：「多謝，我本身都鍾意啲簡約剪裁，Fashion Show入面有好多條裙嚟緊我都想試吓着。」
見高Ling身材比之前還要纖瘦，問她是否近排工作太忙，所以再清減了時，她說：「我之前有段時間仲瘦，呢排已經肥番啲，之前係瘦到膊頭、條頸都見晒骨。」
東網網站 : https://on.cc/東網Facebook專頁 : https://www.facebook.com/onccnews/