台灣女星歐陽娜娜，4歲就開始學音樂嘅佢，自從踏入演藝圈後一度暫停學業，直到18歲先又再重返校園到美國伯克利音樂學院，並不時喺社交網分享求學經歷及旅行日常。而現年23歲，終於完成學業嘅佢，亦透過社交網宣布將於近期舉辦一場小型畢業音樂會，並將門票收入全數捐畀學校，作為師弟師妹嘅獎學金。
只見身穿低胸禮服嘅歐陽娜娜，換上不同樂器表演之餘，更會同台下歌迷傾偈互動，隨着畢業音樂會片段曝光，唔少網友更大讚佢唱功進步唔少外，歐陽娜娜亦有感而發道：「畢業是結束，也是一個新的開始。我想，關於問題的答案或許得過段時間才能回答。」最後亦不忘祝自己「畢業快樂」。
東網網站 : https://on.cc/東網Facebook專頁 : https://www.facebook.com/onccnews/