藝人姜晧文與太太殷寧結婚二十餘年，感情依然如膠似漆。近日姜皓文於社交平台放閃，晒出與太太及家人「睇企鵝開心旅行照」，期間他更手抱一位小朋友，露出一臉慈父相。原來姜皓文「輩分」很高，該小朋友實是他的姨甥孫﹗
姜皓文受訪時笑說﹕「嗰兩位小朋友，係我太太姨甥女嘅囝囝，因為生得好可愛，我兩公婆一直錫到佢哋燶，同埋太太已經講咗好耐，想帶外父去個短旅行，所以日前我比較得閒啲，咪『組團出發』去內地主題樂園囉。兩日一夜行程，簡簡單單聚天倫都幾開心。」
此行最難忘是，一向喜歡企鵝的殷寧，能夠與「摯愛」作近距離接觸﹗姜皓文透露﹕「我哋去食自助餐，咁啱隔籬有個企鵝池，我哋咪趁機開心集郵囉。」而月中將要離港飛往馬來西亞工作，他表示﹕「會接拍電影及電視劇各一部，所以最快都要8、9月先返到嚟香港嘞。」
東網網站 : https://on.cc/東網Facebook專頁 : https://www.facebook.com/onccnews/
留言 0