何雁詩自爆生天使囝囝荒謬過程　懶理穿羊水包住尿片開餐醫肚

歌手何雁詩與鄭俊弘育有患罕見病「天使綜合症」兒子Asher，近日何雁詩亮相網台節目《絲打圍爐》接受唐詩詠及練美娟訪問，大談湊仔經，其中她自爆生Asher時過程曲折離奇，當時她懷孕37周，突然有日強烈肚痛，入廁所後才發現穿羊水，但竟然不是立即趕去醫院，反而去餐廳開餐：「去咗大埔先去食沙嗲牛肉麵，再去入醫院。醫生同我講過生第一胎要耐啲時間，我以為佢叫我先去餐廳食啲嘢，唔係屋企求其整個麵，梗係出去食啲嘢啦！係呀，我着住條尿片，跟住一路維持穿羊水。」即令全場笑爆。

雖然照顧天使囝囝之路難行，但何雁詩坦言仍想生小朋友：「可以再生多兩個。我直程有諗過一次過生雙胞胎。」她續指有聽聞針灸拮腳趾罅的生仔秘方，不過自己就未曾試過，另指聽聞男方吃中藥調理身體亦可有助生仔。

東網網站 : https://on.cc/東網Facebook專頁 : https://www.facebook.com/onccnews/