目睹好友打籃球猝逝！姜濤直播剖白：到依家都諗起佢嗰時個樣

姜濤近年人氣愈來愈高，密密接job冇停手，但其實他最近過得不容易，因為其識於微時、花名「中鋒」的好朋友阿Kin上月猝逝，令他極之心痛。

據知姜濤早前跟「中鋒」打籃球時好友突然身體不適，要即時被送入醫，期後好友情況急轉直下突然猝逝，令姜濤難以接受。姜濤曾經透露跟「中鋒」於8年前認識，當時姜濤仍是個性格內向的200磅肥仔，更因為肥胖而被同學排斥及欺凌，直到「中鋒」在球場主動跟他說話。「中鋒」又支持姜濤入行做明星追夢，二人甚至相約一起減肥，姜濤參加《全民造星》時，「中鋒」和另一好友阿J亦有在節目亮相接受訪問，可見二人感情極好。

昨晚姜濤在網上直播上剖白心情：「張敬軒嘅《俏郎君》，令我諗起上個月發生一件事，令我覺得好大感觸，自己身邊一位好朋友離開咗，唔關歌詞事，係前奏令我想起個朋友。呢位朋友係我親眼見佢走，好突然發生嘅事情，我到依家都諗起佢嗰時個樣，我下一首作品，希望你喺天上可以聽到，希望你安息！」