由張繼聰、蔡卓妍、邱士縉、吳家忻、朱栢康、胡楓、楊偉倫等主演；羅耀輝執導的賀歲片《祥賭必贏》將於明日（1月28日）年廿九上映。蔡卓妍及張繼聰連同導演羅耀輝昨日（1月26日）四出謝票，其中一場驚喜現身，為戲中飾演阿聰爺爺的胡楓（修哥）補93歲生日，並順道為修哥VIP包場謝票。座上客包括有姜大衛、陳友、袁文傑、劉錫賢、黃文慧、Joe Junior 、梁葆貞、劉錫賢、周美鳳等。
蔡卓妍、張繼聰和導演羅耀輝以神秘嘉賓姿態現身修哥包場放映，阿Sa手持蛋糕，跟阿聰大唱生日歌，全場觀眾拍手附和，而阿Sa和阿聰還跟戲中角色一樣，稱呼修哥做「阿爺」，向爺爺送上祝福，修哥見到大家來謝票相當開心，尤其見到阿Sa特別驚喜，以為對方正身處外埠開Twins巡唱。修哥大讚作品：「多謝兩位主角落力演出，同你哋兩個合作我唔落力都唔得呀！」修哥又向全場觀眾力推羅導，最後全場大合照，阿聰阿Sa更encore率觀眾大合唱生日歌，逗得修哥非常開心。
今次特意謝票兼為修哥慶生，羅導指有特別原因：「因為早前首映禮（1月18日）正是修哥生日，佢就嚟唔到，所以今日嚟謝票之餘，都想同修哥補祝生日。」至於阿Sa就指今次謝票心情有點不一樣:「我好緊張，因為聽講修哥包呢一場，係有好多前輩，甚至係殿堂級嘅前輩。」阿聰接著說：「好開心見到修哥，證明我哋團隊都好有愛，祝修哥身體健康、風流倜儻、繼續做到自己想做嘅嘢。」