靠謝票、「神功戲」場食糊 網民諷《12怪盜》電影質素低勝之不武

1.上星期復活節最大新聞，除咗執笠群組外，仲有《12怪盜》票房贏《哥斯拉x金剛》

2. 有報道指，《12怪盜》喺 4日復活節假期狂收逾1,320萬元票房，更擊敗荷里活片《哥斯拉x金剛：新帝國》嘅981萬，成為復活節冠軍片王

3. 過去港產片 片房贏西片，大家都一致讚好，但今次明顯唔同，網上隨意搵《12怪盜》評價，不難發現相當麻麻，包括「根本唔知道睇緊乜嘢」、「導演在處理同執行能力只是如學生作品般」、「故事結構鬆散同漏洞百出」

4. 你有你鬧，一眾鏡粉就十分收貨，一句「燃燒團魂」足以遮蓋電影本身問題，難得見有鏡粉指「諗住求其搵齊12子出場拍啲嘢大賺fan屎一筆就算？咁玩法， Mirror個朵會好快玩爛。」

5. 今次最大爭議，就係《12怪盜》大部份票房都係由謝票場貢獻，有報道指，假期時MIRROR同有份客串嘅ERROR，出席過百謝票場「盡力掃」，其中AnsonLo 至少跑105場，平均每日26.25場

6. 但假期過後，MIRROR 12子要到美加巡迴演唱會，假期後首個開工日，零謝票場帶動下，《12怪盜》懸崖式急跌到得番一成，而《哥斯拉x 金剛：新帝國》就維持全日過百萬。隨12子離港，電影公司立即變陣，大搞見面會抽獎，之後更有KOL發現有戲院晨早場嘅場次「全院滿座」，但影廳內居然空無一人，猶如神功戲，質疑有fans為見面會包場博抽中

7. 娛頭發現，有謝票場的場次，基本上都係Full house，加上票價亦較貴（180元），令票房「增值」，加埋八達通卡、「首映謝票禮品包」（作價3,950元）等等，發行商相當和味

8. 發行商當鏡粉搖錢樹，鏡紛照捧場，一個願打，一個願挨。但有網民就質疑此舉扭曲電影原意，斥「刷票房做成績做到出哂面」、「唔謝票，谷唔起票房」，謝票場淪為跑數活動，但亦有指「呢套戲都幫到台前幕後唔少人有糧出」

9. 其實早喺《12怪盜》前，謝票場早已出現爭議，認為「睇明星多過睇戲」有網民指，早喺2010年《人間喜劇》已出現謝票場，至近年《飯戲攻心》開始多人留意，而《12怪盜》因MIRROR同ERROR「人頭」達16位，集腋成裘見面谷票房

10. 情況就如十年前日本大型女子偶像團體 AKB48「買CD抽握手券」一樣，俾人話握手多過聽歌，fans抽完即掉CD唔環保，但你又你鬧，10年間製造大量百萬單曲

11. 值得一提，年頭同樣有爭議嘅《飯戲攻心2》同《12怪盜》，同樣係安樂影片出品，單憑兩套戲已最少吸5千萬，冠絕香港所有發行商

▼Follow 娛頭
Facebook: https://www.facebook.com/profile.php?id=61554772610166