無綫《2024香港小姐競選》今晚隆重舉行。眼見一眾佳麗狀態極佳，身為師姐的馮盈盈亦不敢怠慢事前已積極操Fit，今晚大派用場中門大開上陣踏上紅地氈令人眼前一亮，高貴大方優雅脫俗。同場，狂野空姐廖慧儀亦有備而戰，真材實料的她輕易地谷胸上心口位置，成為焦點所在。不過，李芷晴更勝一籌，令人有窒息感覺。
一身性感打扮的馮盈盈笑言自己以希臘女神亮相，配合番今年港姐的主題「Proud To Be A Woman」，可以突出女性的自信及力量，問她打扮如此性感擔不擔心搶了師妹風頭？她謂：「唔會，師妹狀態大勇，都好搶眼同好靚。」盈盈今晚不用表演，故以輕鬆心情去欣賞節目，一向口才了得的她，笑言最想睇佳麗問答環節：「好想睇師妹嘅口才，同臨場表現（有無過兩招畀師妹？）作為師姐，我之前同３位佳麗秦冀雯、盧凱怡、鍾翠詩去賽班島，已經同麥美恩一齊畀咗貼士佢哋，相信可以幫助佢哋嘅發揮，同面對鏡頭點突出強項。」對於她睇好的秦冀雯，日前以泳裝亮相，對身材被評時一度黑面，盈盈則表示:「Er…我呢排無見佢哋，要了解下先…咁始終佢仲新，經驗會比較少。」
同場，即將卸任的冠軍莊子璇、亞軍王怡然和季軍王敏慈以及友誼小姐姜依宁踏上紅地氈。雖然卸任在即但無損心情，莊子璇谷出三寸事線甚有睇頭，甚少曝光的王怡然亦容光煥發，看來已走出父親欠債陰霾。王敏慈亦狀態大勇，顏值依然高企。不過，姜依宁的一襲火紅色連身裙同樣搶焦點。
東網網站 : https://on.cc/東網Facebook專頁 : https://www.facebook.com/onccnews/
留言 0