元朗朗屏站中電電纜橋大火，令元天屯地區大停電，不單影響居民生活，連商場及街市店鋪都大受影響，尤其魚檔及凍肉店，更損失慘重。
其中在元朗天水圍天澤街市一個淡水魚檔林老闆表示，因昨晚停電魚缸氣泵無電無氧氣，損失20多條鯇魚，每條價值港幣300元。「生意難做，一場停電，檔內的鯇魚就死咗20多條，中電唔多唔少都應該賠償啦！」他說。
另一個魚檔女替工指，主要損失大魚及鯇魚，因昨晚停電魚缸氣泵冇電冇氧氣，共損失35條大鯇魚，平均一條售價200多元。
街市內一間凍肉店職員李小姐亦指，昨晚收鋪時突然停電，雖然今早回來已恢復供電，但雪櫃經過一夜無電，部分凍肉已經壞咗，要等老闆返來點算損失，估計損失數千元。
星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ