藝人蒙嘉慧與老公鄭伊健近年定居日本，要知佢哋最新資訊都係靠網友偶遇，早前蒙嘉慧罕有更新社交網出片，公開日本生活，仲自揭學識親手劈柴夠叻豬。估唔到一轉頭，佢兩公婆又畀網友偶遇喇，有網友喺日本東京偶遇鄭伊健同蒙嘉慧，並晒出偷拍照：「新宿伊勢丹偶遇古惑仔鄭伊健夫婦。」相中見佢哋兩公婆都以全黑上陣，低調樸素咁行名店，坐喺梳化上嘅蒙嘉慧低頭玩電話，雖然佢素顏又紥起頭髮，但仍氣質出眾，難掩星味。
東網網站 : https://on.cc/東網Facebook專頁 : https://www.facebook.com/onccnews/