近期天氣乍暖還寒，早晚溫差頗大，但無論是凍是暖，都無阻女星騷Body的喜好，日前歌手譚嘉儀為影靚相無懼寒風，社交網分享日夜間的美圖，晚間她穿上貼身低胸裝，胸前谷出強勁事業線出席派對。而日間則趁有溫暖陽光，換上紅色低胸露腰裝，在酒店的茶座曬太陽吸收維他命D。
嘉儀接受訪問時表示：「暫時未有新歌推出，趁有時間咪做吓自己嘢，好似參加朋友嘅Party同埋搞自己嘅頻道，工作攰攰哋就去接觸吓陽光，呼吸吓新鮮空間，等自己充夠力再迎接新工作啦。」一向愛旅遊的她，因農曆新年要出席活動，所以今年會留港度歲，至於新年願望，她說希望音樂上會有突破及新嘗試，而最重要是大家身體健康，保持開朗心情。
東網網站 : https://on.cc/東網Facebook專頁 : https://www.facebook.com/onccnews/