現年50歲嘅台灣女星賈靜雯，向來凍齡有道嘅佢，即使出道逾30年外貌都冇乜變化之餘，身材更係弗到零贅肉。而日前受邀上訪談節目嘅佢，更分享道自己有次去米蘭購物時，店員睇到佢護照上嘅真實年齡後，竟然難以置信問道：「It's you？（這是你？）」並透露對方喺得到肯定答覆後：「他就衝進去叫所有同事出來看我，說這是我。」令向來謙虛嘅賈靜雯忍唔住驕傲道：「女人真的是要被讚美的。」
此外，賈靜雯亦坦言道藝人上鏡時，身材的確較易被放大，因此平時都需要努力維持身材，被問道會唔會感到疲勞時，賈靜雯則表示自己已經習慣呢種生活，雖然飲食方面冇乜特別戒口，但就靠運動保持最佳狀態，驚人毅力令人不得不佩服。
東網網站 : https://on.cc/東網Facebook專頁 : https://www.facebook.com/onccnews/
留言 0