歐倩怡重投幕前壓力大 面對負評匿埋屋企喊三日三夜

歐倩怡今年5月宣布跟郭晉安結束18年婚姻關係，她回復單身，為HOY TV 節目《健康關注組》擔任多集嘉賓外，日前接受俞詠文訪問講心底話。超過20年沒有擔任幕前工作，歐倩怡坦言「復出」有不少壓力。很多人跟她說，現在的娛樂圈跟她二十幾歲時候的娛樂圈，分別已經好大。以前她做宣傳，她單向面對傳媒，但現在多了好多網上媒體，只要有人留言，就會引申好多不同話題。

她說：「近排都會緊張同埋驚，其實你睇番我二十幾年前的訪問，我都係一個好多嘢講，嗶哩巴啦嘅人! 大家冇見我咁多年，可能同大家預期唔同，覺得我好似冇長大過! 其實我不嬲都係咁! 」

提到她接受網上平台訪問，她的言論惹來不少負評，歐倩怡表示極度不開心：「我完全冇諗過個訪問出街之後，會惹來咁多嘅負評，大家冇見咗我咁多年，你唔知我身體出現過咩問題，我經歷過啲乜嘢，我只係純粹分享，冇任何意圖或企圖做任何嘢。坦白講嗰件事之後，我匿埋咗屋企喊咗三日三夜! 我只係用我嘅真誠情示人，原來大家會接受唔到，好多前輩亦同我講你唔可以太真㗎! 要識得保留，以後我講嘢都會小心好多! 」

（即時娛樂）