「城」中有人好辦事， 有個人緣好又抵得諗嘅女友關照，當然係有運行啦！近年以傻大姐形象突圍入晒屋的麥美恩，早已是無綫大騷、綜藝節目司儀主持搶手貨，事業起飛的Mayanne（麥美恩）更帶挈埋娛樂主播男友許文軒上 位，據知為幫男友，Mayanne近期便狂 向綜藝節目監製及廣告客，力sell男友許文軒好用又抵用，更自薦可以同男友情侶檔演出，得女友落力發功，捱足十三年主播生涯的許文軒，終於吐氣揚眉殺入大騷做司儀，又接廣告又出活動工作全面升呢，成為幸福男友人辦！
撰文、圖片：東方新地
麥美恩傻大姐形象入屋 愈戰愈勇
2011年參選港姐敗給冠軍朱晨麗、亞軍朱希敏及季軍許亦妮，只得梗頸四的麥美恩，加入無綫做了兩年娛樂主播，直至13年有機拍綜藝節目《學是學非》，之後又得森美賞識拍埋《森美旅行團》，Mayanne已醒目轉型，唔走靚女路線成功以傻大姐形象入 屋。事業愈戰愈勇，近年更盡擸大騷司儀演出，在無綫早就爆騷工作量驚人，連帶拍拖三年男友許文軒亦因她受惠，近期工作量激增，由主播殺入TVB大騷做司儀，早前擔任《萬千星輝頒獎典禮》 「得獎旁白司儀」，又能孖住女友做《勁歌金曲頒獎典禮》司儀，事業轉旺。
緊張男友許文軒事業 不時落力sell男友
據知情者透露：「Edmond（許文軒）考入TVB娛樂 新聞台做主播，一做就十幾年，佢份人好謙遜，跑活動同班傳媒記者相處融洽，本身佢野心唔大，反而係同Mayanne拍拖之後，女友成日鼓勵佢要多啲爭取機會，令佢變得更積極，Mayanne好緊張男友事業，不停幫佢鋪路拉線，Mayanne圈中人緣好好，好多節目 監製，以至班圈中阿哥阿姐好似Do姐、叻哥、森美都好睇佢，為咗幫男友，Mayanne每次見親監製、或者班阿哥阿姐，就會好落力 sell男友，叫啲人多啲用男友，又話可以同男友情侶檔合作，幫得 好出面！大家覺得佢哋形象好，有Job都會預埋佢哋。」
許文軒唔做設計師返港做主播
現年38歲的許文軒，同女友一樣有過參賽經驗，06年考入無綫娛樂新聞台做主播前，早在03年曾參加全球華人新秀歌唱大賽（悉 尼區選拔賽），成為冠軍兼奪最佳台風獎，之後返港參加總決賽，同屆香港代表還有現時已在國內紅透半邊天的陳偉霆，不過當年許文軒參賽落敗後，因家人要他返澳洲完成設計系大學課程，最終放棄留港發展，直至06年完成學業捲土重來，放棄做設計師加入無綫主播行列，三年前同Mayanne傳出緋聞，初時二人都否認戀 情，不過為幫男友事業衝刺，Mayanne拍拖一年後已不時有意無意間提及男友，戀情逐步浮面，二人還經常情侶檔合作演出，事事以 男友行先！
留言 0