前港姐冠軍劉倩婷（Sandy）於本月24日迎接39歲生日，日前，她特別搞了一個船P慶祝，歌影視藝人甄子丹夫婦、胡杏兒、朱千雪、岑杏賢曾比特以及蔡一智等，群星雲集，相當熱鬧！由於人數超過５０人，派對需要分兩日舉行，其中一日仲要切足６個蛋糕，足證Sandy人緣十分之好。
對於朋友們的疼愛，Sandy表示：「因為臨近農曆新年個個都好忙，但都抽時間嚟慶祝，好開心。（老公有無送乜嘢禮物畀妳？）有兩個小朋友已經好滿足了！」
Sandy一直致力慈善公益，所成立的夢想計劃已有過萬小朋友參加並且開心圓夢，今年她的生日願望就是希望可以幫到更多小朋友去夢想成真，相當有愛心。
東網網站 : https://on.cc/東網Facebook專頁 : https://www.facebook.com/onccnews/