市場關注本港個別大型發展商流動性會否擴大至整個行業問題，恒隆集團(00010)及恒隆地產(00101)董事長陳文博表示，無法評論其他公司的情況，惟強調集團財務非常之穩固，「暫時睇唔到任何異常」。
行政總裁盧韋柏指，集團「乜嘢Stress Test(壓力測試)都做過」，所以當市場出現不利消息，集團會「睇番自己條數」、槓桿比率、派息能力、業務可持續性，管理層覺得「今日嚟講係安心嘅」。
他坦言，「如果唔係因為集團有勇氣做呢個adjustment(調整)，其實可能我哋今日都有啲驚，但因為我哋有勇氣早啲做咗，我哋會覺得稍為見到應該我哋可以捱得過，或者當市場好唔certain(明朗)時候，我哋係覺得自己可以做得到，同埋做得好」。
陳氏補充，集團的財務安排不是今日今刻才做，由2023年全年業績開始，已提供以股代息，至年中再疊加股息調整，整體為集團保持更多現金及實力。另外，香港及美國的息口較高，集團早已加大人民幣借貸，能減輕利息壓力。無論如何，在財務安排方面，集團會繼續努力控制借貸成本。同時，集團早前進行的100億元銀團貸款，足見銀行界非常支持集團業務，相信亦能予市場信心。
東網網站 : https://on.cc/東網Facebook專頁 : https://www.facebook.com/onccnews/