拜仁中場甘美治接受踢球者訪問被問到自己未來，甘美治就話「依家係我我職業生涯其中一個關鍵時刻，我知道有幾好理由續約，但我想評估自己嚟緊三到四年可以係邊度取得最大成功，我將會係嚟緊幾個星期/幾個月之內作出最好決定🙂。」
甘美治又話「我唔會為咗擴闊視野而出去踢波。最重要就係競技方面嘅成功，即係我可以係邊度得到最多樂趣同成就。如果淨係為咗得到出外踢波嘅經驗，我34歲之後都仲可以做到，呢樣已經係另一個層面嘅事😶。」
之後被問到其他人（戴維斯同梅斯亞拿）續約情況會唔會影響佢嘅續約，甘美治就話「呢個肯定會影響我嘅續約，因為呢個涉及到球隊嚟緊幾年陣容架構同埋點樣確保成功，呢個都係其中一個影響因素😉。」
呢位德國🇩🇪球員最後就話「依家留低機會對比起上年夏天高好多，因為我睇到球隊踢波風格。呢個都同教練有好大關係，成個德國都睇到我哋以唔同方式踢波，無論係訓練定係球場上都幾好🤓。」
▼Follow足球仁
Instagram: https://www.instagram.com/football_yern/
留言 0