蔡依林歐遊旅程曝光　親自剪片上載超班技術惹熱議

台灣天后蔡依林近期結束長達5年嘅世界巡迴演唱會後，10月15日更宣布自己已經開始製作新專輯嘅佢，更透露目前已經完成6首歌曲錄製，並將於明年上半年推出，極高嘅工作效率令唔少粉絲相當期待之餘，對於萬眾期待嘅大巨蛋演出，蔡依林亦大方表示：「會想試試看！」

而不時透過社交網分享生活點滴嘅佢，日前更晒出一段剪輯精美嘅歐遊短片，並分享道：「出門真的靠朋友，幸運地被他們呵護，才能如此游哉地、精彩地生活！」片中所見，蔡依林喺歐洲歎新鮮生蠔、搭船出海海釣兼做船長外，仲喺英國打網球，試盡當地人嘅娛樂運動，令唔少粉絲都大讚：「蔡姐甚麼都會！甚麼都不奇怪！」

隨着蔡依林歐遊放鬆嘅精華片段曝光，精美嘅剪接片段亦震驚唔少網友道：「我們依林甚麼時候那麼會剪視頻的，我天呢！」、「看到你如此享受生活，為你感到開心！」、「好愛看這種遊記…謝謝姐大方分享！」、「姐是不是比起演唱會DVD的剪輯，還是旅遊的剪輯比較簡單？」

東網網站 : https://on.cc/東網Facebook專頁 : https://www.facebook.com/onccnews/