「億萬駙馬」伍富橋高調放閃　同老婆鬥晒事業線

「億萬駙馬」伍富橋去年迎娶曾任無綫幕後嘅富貴女友梁兆楹（Shirley），婚後過上甜蜜恩愛生活嘅佢，更不時喺社交網高調放閃，引嚟唔少網友羨慕外，日前趁住聖誕佳節嘅佢，更喺社交網晒出一系列同老婆嘅大尺度合照外，伍富橋澎湃嘅胸肌亦意外搶Fo。

日前，伍富橋喺社交網晒出2輯同老婆嘅應節靚相，先係一輯2人齊齊着上卡其大褸嘅親密合照，其中一張可以見到佢之前因打籃球，導致韌帶斷裂嘅左腳仍然戴上腳套外，老婆Shirley仲分別拎咗2個波波及迷你聖誕樹，擺喺伍富橋下體影相，畫面搞笑外亦認真愛得癡纏。另外，2年前開辦健身房並將身材操Fit返嘅伍富橋，亦同老婆齊齊換上浴袍賣大包，各自鬥晒胸前深不見底嘅「事業線」，成輯相認真香艷呀！

東網網站 : https://on.cc/東網Facebook專頁 : https://www.facebook.com/onccnews/