藝人連詩雅（Shiga）前日36歲生日，而其「廿四孝」老公陳家樂連續兩日為大肚太太慶祝，她於正日在社交網甫「一家三口」邊睇海景邊食飯的慶生相，而翌日又大晒由老公操刀的三點式泳裝寫真，見她肥肚不肥人，且成功升Cup，上圍變得澎湃，留言放閃謂多謝即將離港工作的老公：「謝謝有人出差之前陪我玩一玩。」又指將有一段時間不能再享受陽光及沙灘了。
而已定於7月18日誕女的她，分享度過當媽媽前最後一個生日的心情，謂正倒數迎接囡囡出世，心情相當複雜，除緊張又興奮外，還有害怕及不捨懷孕過程，在經歷身體變化的多個月中，人變得易感觸，亦多思多想，而以前經常被小事影響情緒，但將為人母時就識放鬆：「睇嘢會唔同咗，因為好多個經歷你係解釋唔到，真係自己先最清楚，所以只要清晰知道自己需要做乜，知道乜嘢係最重要，其實就已經好足夠。」
東網網站 : https://on.cc/東網Facebook專頁 : https://www.facebook.com/onccnews/
留言 0